ह्या नावीन्यपूर्ण आगळ्या वेगळ्या पुस्तकात प्रामुख्याने ग्रंथ शीर्षकाच्या अनुषंगाने इ.स. २०१३ पासून ३ ऑक्टोबर २०२४ दरम्यान मराठी भाषेला अभिजात दर्जा मिळण्यासाठी समितीने केलेले सातत्यपूर्ण प्रयत्न व सादर केलेले साधार पुरावे व अहवाल यासह शासकीय पातळीवरून झालेले प्रयत्न आणि केलेला पाठपुरावा विविध साहित्य संस्था व माध्यमे यांनी उभारलेली चळवळ व दिलेले लढे व मराठी भाषा, साहित्यप्रेमींची इच्छाशक्ती आणि मिळालेले यश याविषयीचे प्रदीर्घ विवेचन केले आहे. गेली अनेक वर्षे मराठी अभिजात भाषेच्या दर्जा विषयीचा प्रश्न सातत्याने चर्चेत राहिला, त्याविषयी इत्थंभूत नोंदी घेऊन झालेले लेखन म्हणजे हा ग्रंथ होय ! मराठी भाषा आणि साहित्याच्या अस्मिता आणि अभिमान जतन संवर्धनासाठी केलेला हा छोटासा प्रयत्न असून `उत्कर्ष प्रकाशन` पुणे ४ यांनी दिलेला प्रतिसाददेखील महत्त्वाचा ठरतो म्हणून त्यांचेही आभार आणि धन्यवाद ! प्रा. डॉ. मधुकर गणेश मोकाशी